لەشارى کەلار وەفدێکى ڕێکخراوی ڕابیتەى مرۆیی – لقى گەرمیان کەپێک هاتبو لەبەڕێزان (فائق تۆفیق محمدبەڕێوەبەرى لق و م جبار محمود محمد و م سلام محمد احمد) ئەندامانى نوسینگەى کەلار سەردانى بەڕێز (مامۆستا سەباح محمد) بەرێوەبەرى ئەوقافى گەرمیانیان کرد. پاش بەخێرهاتن ، لەتەوەرەى یەکەمى دانیشتنەکەدا لەلایەن بەڕێز بەڕێوەبەرى لقى گەرمیان تیشک خرایە سەرکار و چالاکییەکانى لقى گەرمیان لەساڵى ١٩٩٣وە تا ئێستا بەتایبەت لەبەشى ئاوەدان کردنەوە کە توانراوە (٣٥٠) پرۆژەى جۆراجۆر پێشکەش بە خەڵکى سنورەکە بکرێت لەمزگەوت و قوتابخانەو ناوەندى تەندروستى و پرۆژەى ئاو کەلەو ژمارەیە (١٠٠) پرۆژەى مزگەوتى تێدایە کە (٦٠) مزگەوتى لەسنورى بەڕێوەبەرایەتى ئەوقافى گەرمیاندایە لە ژمارەى (٢٦٠) مزگەوت لەسنورەکەدا، %٢٣ لەلایەن ڕێکخراوەکەمانەوە دروستکراوە. لەتەوەرەیەکى تردا تیشک خرایە سەر مێژوو خاوەندارێتى مزگەوتەکان کە مافى ڕابیتەى مرۆیی و خێرخوازانى لەسەرە. وە لەکۆتایدا هەردوو لا هاوڕابوین لەسەر پاراستنى خاوەندارێتى و مێژوى مزگەوتەکان.

---