لە کوێ ئێمە دەدۆزیتەوە؟
بەشی 1
* لە پاڵ منارەی مزگەوتێکدا
هەندێ لێمان دەپرسن، لەکۆێ بۆ ئێوە بگەڕێین؟ لە کوێ بتاندۆزینەوە؟
بەو بەڕێزانە دەڵێین، دەتوانن ئێمە ببینن و بماندۆزنەوە :
* لە سێبەری قوبە و منارەی مزگەوتێکدا، لە گوندێکی دوورە دەستی گەرمیان و کوێستان،یان لە ناو مزگەوتێکی شار و شارۆچکەکانی کوردستان.
* لەناو تەپوتۆزی هەڵکەندنی بناغەی مزگەوتی خێرخوازان، یان لە گەڵ ستافی ئەندازیاریی بۆ دەرخستە و نەخشە و پلان.
* لە پێشوازی دایە حاجیی، بۆ وەرگرتنی ئەو پارەیەی پاشەکەوتی کردووە، بۆ پاراستنی لەناو فەقیانەکەیدا وەک گڵای سیغار لولی کردوە، دەڵێ کوڕم دەخیلتان بم بۆم بکەنە بناغەی ئەو مزگەوتەی ئێستا دەستتان پێکردووە.
* لە سەردانی مامە حاجی پشت کۆماوەی ردێن سپی، بۆ گەیاندنی ئەو کەمە پارەی کۆکردوەتەوە، بەڵام پڕ بەهایە بە دوعاو مناجاتی ، بە فرمێسکی سەر ڕومەتەکانی ، دەڵی : هانێ کوڕم ئێوە فریشتەن و خودا بۆ مرازی منی ناردوون، پیرۆزتان بێت، ئەو پێناسەی خودا لە قورئاندا بۆ بنیاد نەرانی مزگەوت نمایانی دەکات(إنما يعمر مساحد الله من آمن بالله واليویم الاخر).
* لە ئامادە سازی بۆ قدومی ئەو خێرخوازە گەنج و لاوەی لە دورو نزیک، هەڵمەت دێنی وەکو بروسک، دەڵێ کاکە: ئەوە چیمەنتۆ و شیش و لەبخ و کاشی، دانێن بۆ من ، بە نیهانی با هیچ کەسیش نەمبینێ و هەر نەمناسێ.
* لە حزووری ئەو خاوەن ماڵانەی خۆبەخشانە ، هاتن وتیان ، ئێمە ماڵمان هەیە، خۆ ئێرە چۆڵ و کاولە نییە، نابێ ستافی ئەم مزگەوتە هیچ نیوەڕوانێک بێنان بن،یان عەوداڵی بازار بن، دەبێ بەڕێز و بەناز بن، وەک کوڕی خۆمان شاباز بن، بەڵێ وابوون ڕاستگۆ و ئازا و خانەدان بوون.
* لە ناو ئاپۆڕای پشتیوانانی خێرخوازیدا، زانای مەندیل سپی، هونەرمەندێ بە حەیران و شیعری ، ئەندازیارێ بە خۆبەخشی، وەستا و کرێکارێ بە دڵسۆزی، مدیر و کارمەند و ژمێریاری خۆ نەویستی،بەخشین و نزاى دایک و خوشکی سەرپۆش بەسەر، بۆ ئەم کارە، ڕەنجی هەموی وا هاتە بەر، لە گەڵ بەرز بونەوەی قوبە و منارە و دەنگی بانگ و سەدای الله أكبر.
* لەم شوێنانە و هاوشێوەکانی، ئەوانە ببینەوە، کە دروشم و کرداریانە( ئەزموون ، ئایندە ، ئاوەدانی ) ئەوە ئێمەین ،براو خوشکانت لە ڕێکخراوی ڕابیتەی مرۆیی.
* لە خزمەتکاری نازداران و هەژارانین ، هێما و ئایکۆنی ئاوەدانی کوردستانین.

نوسینی / حسێن شێخ نەجمەدین قەرەداغی
سلێمانی/ ٣٠ ی ٩ی ٢٠٢٥