هەڵەبجە د فەرهەنگا خزمەتکردنا رابیتێ دا

لبیرەوەریا ٣٤ سالیا کیمیا بارانکرنا باژێرێ حەلبجا شەهید ئەم ل رابیتا مروڤڵیەتی سەرێ رێز ونەوازێ دچەمینین هەمبەر وێ کارەساتا مروڤایەتی ئەوا جیهان هەمی پێ شەرمزار بوی هەمبەر بێ دەنگیا کومەلگەهێ سڤیل و دەر ئەنجامێ وێ بسەدان قوربانی داینە بشێوەیەکێ درندانە دویر ژ هەمی بنەمایێن مروڤایەتی وئایینی ..

هەر لدەستپێکا کارەساتێ وهەستکرن ب بەرپرسیارەتیێ رابیتا مروڤی لهەمان سالا کارەساتا کومکوژیا حەلەبجە ل ١٩٨٨ هاتە دامەزراندن لهەندەران وئێکەم کاروانێ هاریکاریێ گەهاندە دەربەدەرێن کومکوژی ل ولاتێن هەندەران وتایبەت ل ایرانێ .. ئارمانجا سەرەکی ژ دامەزراندنا رابیتێ لسەر دەستێ کومەکا روشەنبیرا لسەرکێشا وان بروفیسور د. علی قەرەداغی ورەحمەتی دکتور مویەد بریفکانی وخودێ ژێ رازی د. حکیم مختار وژمارەکا دی ژماموستا وزانایان .. ولدەما هەرێما کوردستانێ هاتی راگەهاندن رابیتە شیایە سێ لقا لدهوک وهەولێر وسلێمانیێ ڤەکەت وشیانێن خنویێن هاریکاریێ بگەهینتە هاولاتیێ کوردێن هەژار وئێکەم رێکخراو بو هاریکاریێن مروڤی گەهاندینە حەلبجا شەهید وئێکەم پروژێ گەوەرە مزگەفت لناڤا باژێری ئاڤاکری نەک منەت بەڵکو وەک ئەرکەکێ مروڤایەتی ونشتیمانی کۆ ل وی سەردەمی نمونا پروژێن مەزن بو ل باژێری .. هەژی گوتنێ یە رێکخراوێن مروڤی یێن نیف دەولەتی چ پروژە ل وێ دەڤەرێ نەبون .. لێ رابیتێ بەردەوامی دایە هاریکاریێن خویێن جورا جور هەر بگرە ژ پروژێن کومەلایەتی وەک هارکاریێن نازدارا وپروژێن ئاڤەدانی وەک وپروژێن ئاڤێ وقوتابخانا وخەستەخانا وپروژێن هەوارهاتنێ وساخلەمیێ وەک دروستکرنا کلینیکێن ساخلەمیێ یێن گەروک لسەر گوندێن دەردورێن حەلبجە دگەریا ونەخوش دەرمان دکرن ..هتد بتنێ ئاماژا مە پێکری وەک ئەرکەکێ مروڤایەتی ونشتیمانی رابیتێ کریە نە مننەتە ..

هزار سلاڤ لروحا قوربانیێت مروڤایەتیێ قوربانیێن کومکوژیا حەلەبجە .. لەعنەت ل دوژمنێن مروڤایەتیێ بن .. گورێ قوربانیا بنور وکول وگولاڤ بن ..

رابیتا مروڤایەتی

لبیروەریا ٣٤ سالیا کومکوژیا حەلەبجە